Ֆուտբոլի աշխարհի առաջնությունում շարունակվում են 1/8 եզրափակիչ փուլի հանդիպումները:
«Արմենպրես»-ի հաղորդմամբ` այսօր կկայանան հերթական 2 հանդիպումները: Երևանի ժամանակով ժամը 19:00-ին կկայանա Ճապոնիա-Խորվաթիա հանդիպումը, իսկ 23:00-ին կմեկնարկի Բրազիլիա-Հարավային Կորեա խաղը:
Այսօրվա կայանալիք խաղերի հաղթողները քառորդ եզրափակիչում կմրցեն միմյանց դեմ:
Քառորդ եզրափակչի ուղեգիրն արդեն իսկ նվաճել են Արգենտինայի, Նիդերլանդների, Ֆրանսիայի և Անգլիայի հավաքականները: Քառորդ եզրափակիչ կկայանան Արգենտինա-Նիդերլանդներ և Ֆրանսիա-Անգլիա խաղերը:
