Իսպանական Մադրիդի «Ռեալ»-ը հետաքրքրված է Հայաստանի ֆուտբոլի ազգային թիմի կիսապաշտպան Էդուարդ Սպերցյանով: Տեղեկությունը հայտնում է Արմենպրեսը՝ հղում անելով՝ Transfertmarkt-ին։
Աղբյուրի փոխանցմամբ՝ Մադրիդի «Ռեալ»-ը և Նիդերլանդների ՊՍՎ-ն այս պահին հետաքրքրված են Էդուարդ Սպերցյանի ծառայություններով:
Էդուարդ Սպերցյանը «Կրասնոդար»-ի ակադեմիայի սան է: Ծնվել է 2000 թվականին: 2019 թվականից հանդես է գալիս «Կրասնոդար»-ի հիմնական կազմում: Հայաստանի ֆուտբոլի ազգային թիմին միացել է 2021 թվականին, նորամուտը հավաքականում նա նշել է Հայաստան-Ռումինիա խաղում:
