Հայաստանում օտարերկրացիները առանց լիցենզիա կկարողանան բիզնես հիմնել

Օտարերկրյա կազմակերպությունները Հայաստանում կկարողանան բիզնեսի որոշ տեսակներով զբաղվել պարզեցված ընթացակարգով` առանց դրա համար լիցենզիա ստանալու։ «Լիցենզավորման մասին» օրենքում փոփոխություններ կատարելու նախագծին Կառավարությունն իր այսօրվա՝ հունվարի 19-ի նիստում հավանություն տվեց։

Այդ փոփոխություններն առնչվում են բիզնեսի այն տեսակներին, որոնք ՀՀ–ում գործունեության կոնկրետ վայր չեն ենթադրում։

Դրանք են`

1. Մասնավոր պահնորդական գործունեությունը
2. Փոստային կապի գործունեությունը
3. Երկաթուղային տրանսպորտի գործունեության կազմակերպումը
4. Տաքսի ծառայությունը
5. Քաղաքաշինական փաստաթղթերի ինժեներական բաժինների մշակումը, փաստաթղթերի փորձաքննությունը
6. Շինարարության իրականացումը
7. Շինարարության որակի տեխնիկական հսկողությունը
8. Ինժեներական հետազննումը
9. Շենքերի և շինությունների տեխնիկական վիճակի հետազննությունը։

Հայաստանում առանց լիցենզավորման բիզնես սկսելու համար, սակայն, կազմակերպությունը կամ անհատը պետք է իր երկրում այդ գործունեությամբ զբաղվելու իրավունքը հավաստող փաստաթուղթ ունենա։

Առաջարկվող փոփոխություններն ուժի մեջ կմտնեն ԱԺ–ի կողմից ընդունվելուց 6 ամիս անց։