Տաթև համայնքում հրդեհ է բռնկվել

Այսօր՝ հունվարի 27-ին, ժամը 08։53-ին հրդեհ է բռնկվել Տաթև գյուղին հարակից սարալանջում: Տեղեկությունը փոխանցում է ՆԳՆ փրկարար ծառայությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ. ճանապարհի անանցանելիության պատճառով փրկարարները ճանապարհը շարունակել են ոտքով:

Ըստ նախնական տվյալների՝ այրվում է մոտ 10 հա խոտածածկույթ: