Հարձակումից որոշ ժամանակ անց հրաձիգն ինքնասպան է եղել։
ԱՄՆ-ի Միչիգանի պետական համալսարանում տեղի ունեցած հրաձգության հետևանքով առնվազն երեք մարդ է զոհվել, հինգը՝ վիրավորվել, գրում է BBC-ի ռուսական ծառայությունը։
Տուժածներից մի քանիսի վիճակը ծանր է։ Հաղորդվում է, որ երկուշաբթի երեկոյան մի տղամարդ սկսել է կրակել համալսարանի՝ Իսթ Լանսինգում գտնվող գլխավոր մասնաշենքում։ Ականատեսները նրան բնութագրել են որպես «սևամորթ և բավականին ցածրահասակ»: Ամերիկյան ոստիկանությունը հայտնում է, որ հարձակումից որոշ ժամանակ անց հրաձիգն ինքնասպան է եղել։ Հարձակման դրդապատճառները դեռևս անհայտ են։ Միչիգանի պետական համալսարանը խոշոր կրթական հաստատություն է, որտեղ սովորում է 50000 ուսանող:
— —
