ՀՀ արտաքին գործերի նախարար Արարատ Միրզոյանը և ԱԺ նախագահի տեղակալ, Հայաստան-Թուրքիա երկխոսության գործընթացում Հայաստանի հատուկ ներկայացուցիչ Ռուբեն Ռուբինյանը ժամանել են Թուրքիա, հայտնում են Առաջին լրատվական ալիքից:
Նրանց օդանավակայանում դիմավորել է երկխոսության գործընթացում Թուրքիայի ներկայացուցիչ Սերդար Քըլըչը:
Հիշեցնենք՝ Անկարայում նախատեսված է Հայաստանի և Թուրքիայի արտգործնախարարներ Արարատ Միրզոյանի և Մևլութ Չավուշօղլուի հանդիպումը, որից հետո նախարարները հանդես կգան հայտարարությամբ։:
Հայաստանի պատվիրակությունը կայցելի նաև երկրաշարժից տուժած Ադըյաման քաղաք, որտեղ կհանդիպի հայ փրկարարների խմբի հետ:
Նշենք նաև, որ երեկ Հայաստանը Թուրքիային է ուղարկել հումանիտար օգնության երկրորդ խմբաքանակը։
– –
