ԱԹՍ-ն ի վիճակի է տեղափոխել մինչև 250 կիլոգրամ բեռ ավելի քան 600 կիլոմետր հեռավորության վրա:
Ռուսաստանում սկսվել են ԹրԱՄՓ (ТрАМП ) տրանսպորտային անօդաչու թռչող սարքի (ԱԹՍ) ցամաքային փորձարկումները. առաջին թռիչքը նախատեսված է ապրիլին, ՌԻԱ «Նովոստի»-ին հայտնել է ռազմարդյունաբերական համալիրի աղբյուրը։
Ավելի վաղ գործակալությանը հայտնի էր դարձել, որ նորագույն անօդաչու թռչող սարքն ի վիճակի է տեղափոխել մինչև 250 կիլոգրամ բեռ ավելի քան 600 կիլոմետր հեռավորության վրա:
«ԹրԱՄՓ-ի մշակողները սկսել են անօդաչու թռչող սարքի փորձարկումը ցամաքում, ստուգվում և կարգաբերվում են դրա կառավարման համակարգերն ու մեխանիզմները»,- ասել է աղբյուրը։
Ավելի վաղ աղբյուրը հայտնել էր, որ ԹրԱՄՓ (ТрАМП )-ի յուրահատկությունը մեծ բեռնախցիկ է՝ 2650 լիտր ծավալով։
Նշվում է նաև, որ քաղաքացիական նպատակներով անօդաչու թռչող սարքը կարող է օգտագործվել մեծ տարածքների և գյուղատնտեսության ոլորտում մոնիտորինգի համար:
