Դիտարկվել է Որոտան բնակավայրի տարածքում ճանապարհը նոր ծրագրով կառուցելու հնարավորությունը։
Տեղի է ունեցել Որոտան-Խոտ ավտոճանապարհի վերակառուցման աշխատանքների ընթացքում 8-րդ կիլոմետրում գերխոնավացած լանջի փլուզման հետևանքով առաջացած խնդիրներն ուսումնասիրելու նպատակով ստեղծված մասնագիտական հանձնաժողովի երկրորդ նիստը։
Հանձնաժողովի կազում են ՀՀ տարածքային կառավարման և ենթակառուցվածքների նախարարության, «Ճանապարհային դեպարտամենտ» հիմնադրամի, Ճարտարապետության և շինարարության Հայաստանի ազգային համալսարանի, ՀՀ շրջակա միջավայրի, ՀՀ արտակարգ իրավիճակների նախարարությունների, Սյունիքի մարզպետարանի, Տաթև համայնքի, ճանապարհի վերակառուցումը նախագծած կազմակերպության, շինարարությունն իրականացնող ընկերության ներկայացուցիչներ։
Հանձնաժողովի անդամները եղել են շինհրապարակում, տեղում դիտարկել առկա խնդիրը։ Դաշտային այցին հետևած մասնագիտական քննարկման ընթացքում արծարծվել են մի շարք հարցեր, տրվել են հանձնարարականներ՝ պարզելու գրունտների գերխոնավեցման պատճառները։
Դիտարկվել է Որոտան բնակավայրի տարածքում ճանապարհը նոր ծրագրով կառուցելու հնարավորությունը։ Քննարկվել են նաև այլ հարցեր։
Մասնագիտական բազմակողմանի հետազոտությունների արդյունքներն ունենալուց հետո կհստակեցվեն ճանապարհի տվյալ հատվածի վերակառուցման հետ կապված խնդիրները։
Նշենք, որ վերակառուցվող Որոտան-Խոտ 10.3կմ երկարությամբ ավտոճանապարհի մյուս հատվածներում այս պահին կատարվում են հողային աշխատանքներ։
–
