Մեկ տարի անց Մոսկվան եւ Կիեւը չեն հրապարակում զոհերի թիվը։
Ուկրաինա ռուսական լայնածավալ ներխուժումից մեկ տարի է անցել։
Ուկրաինայի նախագահ Վոլոդիմիր Զելենսկին ուկրաինացի ժողովրդին ուղղված ուղերձ է հրապարակել՝ վստահեցնելով, որ Ուկրաինան հաղթելու է: «Հիմնական եզրակացությունն այն է, որ մենք գոյատևել ենք, մենք չենք պարտվել և ամեն ինչ անելու ենք այս տարի հաղթելու համար»,- ասել է Ուկրաինայի նախագահը։
Ռուս-ուկրաինական պատերազմի տարելիցին անդրադարձել է Ռուսաստանի անվտանգության խորհրդի փոխնախագահ Դմիտրի Մեդվեդեւը: Նրա խոսքով՝ մեկ տարի է, ինչ Ռուսաստանի զինված ուժերը վերականգնում են կարգուկանոնը, խաղաղությունն ու արդարությունն ու պաշտպանում ժողովրդին։ Մեդվեդևը հույս է հայտնել, որ Ռուսաստանը կհաղթի:
Փետրվարի 20-ին ԱՄՆ նախագահ Ջոզեֆ Բայդենը չհայտարարված այցով ժամանել էր Ուկրաինայի մայրաքաղաք Կիև, որտեղ հանդիպել նախագահ Վլադիմիր Զելենսկու հետ։
«Մեկ տարի անց Կիևը կանգնած է: Կանգնած է և Ուկրաինան: Կանգնած է Ժողովրդավարությունը: Ամերիկան կանգնած է ձեզ հետ, աշխարհը կանգնած է ձեզ հետ», — հայտարարել էր Բայդենը Մարիինյան պալատում Զելենսկու հետ հանդիպումից հետո:
Մեկ տարի անց Մոսկվան եւ Կիեւը չեն հրապարակում զոհերի թիվը։ ՄԱԿ-ի տվյալներով, որոնցում ներառված են միայն պետության կողմից փաստագրված մահվան դեպքերը, Ուկրաինայում զոհվել է մոտ 8 հազար խաղաղ բնակիչ։
–
