Իրանի արտգործնախարար Ամիր Աբդոլլահիանը հեռախոսազրույց է ունեցել թուրք գործընկեր Մևլութ Չավուշօղլուի հետ, որի ընթացքում քննարկել են երկու երկրների միջև ընթացիկ փոխգործակցությանն առնչվող հարցեր։ Այս մասին հայտնում է Tasnim–ը` հղում անելով ԻԻՀ–ի ԱԳՆ–ին։
Հեռախոսազրույցի ընթացքում երկու բարձրաստիճան դիվանագետները մտքեր են փոխանակել նաև երկկողմ հարաբերությունների սերտացման և տարածաշրջանային մակարդակով Թեհրանի և Անկարայի միջև փոխադարձ հետաքրքրություն ներկայացնող հարցերի շուրջ։
Թուրքիայի արտգործնախարարը ողջունել է 7 տարվա դադարից հետո դիվանագիտական կապերի վերականգնման վերաբերյալ Իրանի և Սաուդյան Արաբիայի միջև կնքված համաձայնագիրը։
Նա վստահություն է հայտնել, որ այդ գործարքը մուսուլմանական աշխարհի դիրքերի ամրապնդմանը ու իսլամական երկրների միջև փոխգործակցություն կհաստատի տարածաշրջանային խնդիրների լուծմանն աջակցելու համար։
Իրանի արտգործնախարար Ամիր Աբդոլլահիանն իր հերթին նշել է` հարևանների և տարածաշրջանային երկրների հետ դրական փոխգործակցությունը ճանապարհ կհարթի տարածաշրջանում խաղաղության և կայունության ամրապնդման, ինչպես նաև միջազգային ասպարեզում փոխգործակցության ուժեղացման համար։
Ամիրաբդոլլահյանը և Չավուշօղլուն քննարկել են նաև Իրանի և Ադրբեջանի Հանրապետության միջև հարաբերությունների վերջին վիճակը, հաղորդում է ԱԳՆ կայքը։
