Հայաստանի ընտրանին թիմային հաշվարկում (բազմամարտ) հավաքել է 159,161 միավոր։
Հայաստանի մարմնամարզության երիտասարդական ընտրանին հաջող է մեկնարկել աշխարհի առաջնությունում, հայտնում են մարմնամարզության ֆեդերացիայից։
Թուրքական Անթալիա քաղաքում ընթացող աշխարհի առաջնությունում Հայաստանի ընտրանին թիմային հաշվարկում (բազմամարտ) հավաքել է 159,161 միավոր՝ զբաղեցնելով չորրորդ հորիզոնականը:
Հիշեցնենք՝ Հայաստանի հավաքականի կազմում են Էրիկ Բաղդասարյանը, Համլետ Մանուկյանը, Մամիկոն Խաչատրյանը, Մարիետա Բուչախչյանը: Մարզիչներն են Հայկ Նազարյանը և Քնարիկ Բրսոյանը: Հայաստանի տղամարդկանց հավաքականի գլխավոր մարզիչ Հակոբ Սերոբյանը աշխարհի առաջնությունում հանդես է գալիս մրցավարի կարգավիճակում:
