Ձերբակալվել են Սամվել Ալեքսանյանի քրոջորդին և վերջինիս վարորդը

31-ամյա տղամարդու պայուսակում հայտնաբերվել է 9 մմ տրամաչափի «Մակարով» տիպի մարտական ատրճանակ՝ լիցքավորված 8 փամփուշտով։

Երևանի Խորենացու փողոցում ձերբակալվել ու բաժին են տեղափոխվել 44 և 31 տարեկան երկու տղամարդիկ, որոնք կասկածվում են ապօրինի զենք-զինամթերք պահելու և կրելու մեջ։ Տեղեկությունը հայտնում է ՀՀ ՆԳՆ ոստիկանության մամուլի ծառայությունը։

31-ամյա տղամարդու պայուսակում հայտնաբերվել է 9 մմ տրամաչափի «Մակարով» տիպի մարտական ատրճանակ՝ լիցքավորված 8 փամփուշտով։

Shamshyan.com-ի փոխանցմամբ` ձերբակալված 45-ամյա տղամարդը Ազգային ժողովի նախկին պատգամավոր, գործարար Սամվել Ալեքսանյանի քրոջորդին է Գևորգ Մանուկյանը, իսկ Արսեն Կիրակոսյանը` վերջինիս վարորդը։
Նրանք տեղափոխվել են ձերբակալվածների պահման վայր։