ԱՄՆ առևտրի դեպարտամենտի գլոբալ շուկաների հարցերով փոխքարտուղար Արուն Վենկատարաման հանդիպումներ է ունենում Երևանում։
Միացյալ Նահանգները շահագրգռված է երկու երկրների միջև կոմերցիոն կապերի խորացման և տարբեր ոլորտներում, այդ թվում՝ էներգետիկ բնագավառում փոխգործակցության խթանման հարցում, այսօր վարչապետ Նիկոլ Փաշինյանի հետ հանդիպման ժամանակ նշել է Վենկատարաման, արդյունավետ գնահատել Երևանում անցկացված Հայ-ամերիկյան ռազմավարական երկխոսության նիստը։
Ըստ Հայաստանի կառավարության՝ նկատելով, որ երկկողմ հարաբերությունները կրում են դինամիկ զարգացման բնույթ՝ գործադիրի ղեկավարն անհրաժեշտ է համարել տնտեսական փոխգործակցության հետևողական խորացմանն ուղղված քայլերի իրականացումը։
_
