Մհեր Սահակյանը զրկվեց անձեռնմխելիությունից

Քվեարկությանը 107 պատգամավորներից մասնակցել են 65-ը և բոլորն էլ կողմ են քվեարկել։

ԱԺ-ն այսօր 65 կողմ ձայնով համաձայնություն տվեց «Հայաստան» խմբակցության պատգամավոր, ՀՅԴ-ական Մհեր Սահակյանի նկատմամբ հանրային քրեական հետապնդում հարուցելու՝ ՀՀ գլխավոր դատախազի միջնորդությանը։

Նարեկ Բաբայանը հայտնեց, որ քվեարկությանը 107 պատգամավորներից մասնակցել են 65-ը և բոլորն էլ կողմ են քվեարկել։

Հիշեցնենք, որ երեկ գլխավոր դատախազ Աննա Վարդապետյանը ԱԺ-ում ներկայացնում էր Մհեր Սահակյանին անձեռնմխելիությունից զրկելու միջնորդությունը։