Արգենտինացի մի աստղալուսանկարիչ հազվադեպ լուսանկար է արել, որում Արեգակի մակերևույթից մոտ 100,000 կմ բարձրություն ունեցող պլազմային արտանետում է ֆիքսել, տեղեկացնում է Space.com-ը։
Էդուարդո Շաբերգեր Պուպոնի լուսանկարած պլազմային արտանետումը կոչվում է նաև «պլազմային ջրվեժ», որի ժամանակ մեծ ծավալի պլազման մագնիսական ուժեղ դաշտերի պատճառով դուրս է արտանետվում։ Քանի որ երևույթը հիմնականում տեղի է ունենում Արեգակի բևեռային պսակի տարածքում (հյուսիսային և հարավային լայնության 60 °-ից 70 °-ի միջև), իսկ այդտեղ մագնիսական դաշտն ավելի ուժեղ է, հենց այդ դաշտի ազդեցության պատճառով էլ հաճախ պլազման կրկին հետ է թափվում Արեգակի մակերևույթ։
