Երևանի քաղաքապետարանի աշխատակազմի ճարտարապետության ու քաղաքաշինության վարչության պետի ժամանակավոր պաշտոնակատարի պաշտոնում էլ նշանակվեց Հայկ Մուրադյանը։
Շավարշ Գրիգորյանը նշանակվել է Երևանի քաղաքապետարանի աշխատակազմի քարտուղարի ժամանակավոր պաշտոնակատար։ Այս մասին այսօր՝ ապրիլի 17-ին կայացած Երևանի քաղաքապետարանի գործակարգավարական խորհրդակցության ժամանակ հայտարարել է Երևանի փոխքաղաքապետ Տիգրան Ավինյանը։
«Պարոն Գրիգորյանը եղել է Առողջապահության փոխնախարար, և մենք միասին աշխատել ենք քովիդի ամենածանր ժամանակաշրջանում», – ասաց Ավինյանը։
Նա նաև հայտնեց Երևանի քաղաքապետարանի աշխատակազմի ճարտարապետության ու քաղաքաշինության վարչության պետի ժամանակավոր պաշտոնակատարի պաշտոնում Հայկ Մուրադյանի նշանակման մասին։
