Ծանրամարտի Եվրոպայի ֆեդերացիայի նախագահ, Մոլդովայի ծանրամարտի ֆեդերացիայի նախագահ Անտոնիո Կոնֆլիտին իր ֆեյսբուքյան էջում անդրադարձել է Երևանում անցկացվող ծանրամարտի Եվրոպայի առաջնությանը՝ հաստատելով, որ սպորտային պատվիրակությունների համար ապահովված է անվտանգության ամենաբարձր մակարդակը։
Կոնֆլիտին, մասնավորապես, գրել է. «Ողջունում եմ Հայաստանի իշխանությունների հայտարարությունը։ Միջոցառումը չպետք է քաղաքականացվի։ Ես պատրաստ եմ անձամբ հաստատել, որ սպորտային պատվիրակությունների անվտանգությունը ի սկզբանե կազմակերպված է եղել բարձրագույն մակարդակով»։
