Կայծակը հարվածել է Մոսկվայից Սանկտ Պետերբուրգ թռչող ինքնաթիռին

Ինքնաթիռում գտնվող ուղևորներից ոչ ոք չի տուժել։

Մոսկվայից Սանկտ Պետերբուրգ չվերթի ժամանակ կայծակը հարվածել է «Ուրալյան ավիաուղիներ» ավիաընկերության ինքնաթիռին։ Այս մասին հայտնել է iz.ru-ն։

Դեպքը տեղի է ունեցել Airbus A320-ի հետ, որը Դոմոդեդովոյից թռչում էր Պուլկովո։ Ինքնաթիռում գտնվող ուղևորներից ոչ ոք չի տուժել։

Ինքնաթիռի վնասվելը նկատել են միայն տեխնիկական աշխատանքների կատարման ժամանակ: Միաժամանակ ուրալյան ավիաընկերությունը պաշտոնապես չի հայտնել կայծակի հարվածի մասին։

—