Պատելի խոսքով՝ պետքարտուղարությունը վստահ է, որ քննարկումներն արդյունավետ էին ու հիմք են ստեղծել Բրյուսելում շարունակության համար
Տեղի ունեցած միջադեպը խաթարում է Հայաստանի և Ադրբեջանի առաջընթացը դեպի կայուն և արժանապատիվ խաղաղություն: Նման հայտարարությամբ է հանդես եկել ԱՄՆ պետքարտուղարության փոխխոսնակ Վեդանտ Պատելը իր ճեպազրույցում՝ անդրադառնալով նախօրեին հայ-ադրբեջանական սահմանին իրավիճակի սրմանը:
«Մենք երկու երկրների ղեկավարներին կոչ ենք անում, որ երբ նրանք հանդիպեն Բրյուսելում ամսի 14-ին, համաձայնեն իրենց ուժերը հետ քաշել սահմանի երկայնքով, ինչպես քննարկվել է պետքարտուղար Բլինկենի կողմից՝ այստեղ՝ Վաշինգտոնում, մայիսի սկզբին մեր հյուրընկալած բանակցություններին իրենց մասնակցության ժամանակ», – ասել է փոխխոսնակը։
Պատասխանելով այն հարցին թե ինչպես է դիտարկում պետքարտուղարությունը Ռուսաստանի դիրքորոշումն, քանի որ նրանք կասկած են հայտնել պետքարտուղարի լավատեսության և Վաշինգտոնում կայացած բանակցության կապակցությամբ, Պետելը նշել է․ «Երկար ժամանակ չեմ ծախսում մտածելու համար, թե ինչ է ասում ՌԴ կոլեգան իր ամբիոնից։ Հայաստանի և Ադրբեջանի միջև խաղաղության հաստատման գործում պետքարտուղարությունը շարունակելու է խորապես ներգրավված մնալ։ Ուրախ էինք 2 երկրներին հյուրընկալել, և վստահ ենք, որ քննարկումներն արդյունավետ էին ու հիմք են ստեղծել Բրյուսելում շարունակության համար»:
