«Փաստ» օրաթերթը գրում է. «Շրջակա միջավայրի նախարարության ներկայացրած նախագծով սահմանվում են «բնապահպանական ծրագրերով նախատեսված միջոցառումների իրականացման առաջնայնությունները կամ դրանց փոփոխությունները շրջակա միջավայրի ոլորտի և առողջապահության ոլորտի լիազոր մարմինների հետ համաձայնեցման կարգը», ինչպես նաև առաջարկվում է ուժը կորցրած ճանաչել մի շարք որոշումներ: Նախարարությունն ընդգծում է, որ «Ընկերությունների կողմից վճարվող բնապահպանական հարկի նպատակային օգտագործման մասին» օրենքով նախատեսված՝ շրջակա միջավայրի աղտոտման համար վճարվող բնապահպանական հարկի գումարների նպատակային և հասցեական օգտագործման վերաբերյալ օրենսդրության բարելավումը շարունակական գործընթաց է։
Այս նախագծով, մասնավորաբար, առաջարկվում է սահմանել «Ընկերությունների կողմից վճարվող բնապահպանական հարկի նպատակային օգտագործման մասին» օրենքի 1-ին հոդվածով սահմանված բնապահպանական ծրագրով նախատեսվող միջոցառումների իրականացման առաջնայնությունների կամ դրանց փոփոխությունների՝ շրջակա միջավայրի ոլորտի և առողջապահության ոլորտի լիազոր մարմինների հետ համաձայնեցման ընթացակարգերի առավել սեղմ, հստակ և արդյունավետ ժամկետներ, սահմանել միատեսակ ընթացակարգ՝ միջոցառումների իրականացման առաջնայնությունների և դրանց փոփոխությունների համաձայնեցման համար, սահմանել միջոցառումների իրականացման առաջնայնությունների և դրանց փոփոխությունների համաձայնեցման համար հնարավորինս հստակ ընթացակարգ, ինչպես նաև ուժը կորցրած ճանաչել կառավարության 2002 թ.-ի սեպտեմբերի 26-ի N 1544-Ն որոշումը։
Նախագծի ընդունման արդյունքում ազդակիր համայնքների համար նպաստավոր պայմաններ կստեղծվեն բնապահպանական ծրագրերի համաձայնեցման հստակ և արդյունավետ ընթացակարգի ապահովման մասով, միջոցառումների իրականացման առաջնայնությունների և դրանց փոփոխությունների համաձայնեցման միատեսակ ընթացակարգի սահմանմամբ կպարզեցվեն վերոնշյալ ընթացակարգերը, միջոցառումների իրականացման առաջնայնությունների և դրանց փոփոխությունների համաձայնեցման առավել սեղմ ու հստակ ժամկետների սահմանումը կնպաստի ՀՀ յուրաքանչյուր տարվա բյուջետային գործընթացի առավել արդյունավետ իրականացմանը»։
Մանրամասները՝ թերթի այսօրվա համարում
