Հայաստանում թմրաշրջանառության ծավալների ավելացման հարցը քննարկվել է Անվտանգության խորհրդի նիստի ժամանակ: Այդ մասին այսօր մամուլի ասուլիսի ժամանակ հայտարարեց ՀՀ վարչապետ Նիկոլ Փաշինյանը:
«Դա լրջագույն պրոբլեմ է: Արդեն առիթ եմ ունեցել ասելու, որ դա դարձել է Անվտանգության խորհրդում, եթե չեմ սխալվում՝ մեկից ավելի քննարկման առարկա, և դա լրջագույն մարտահրավեր է:
Պատկերացնո՞ւմ եք՝ Անվտանգության խորհրդում քննարկվել է հարցը, և ես կիսում եմ ձեր մտահոգությունները: Բացի ձեր մտահոգությունները կիսելուց, շատ կոնկրետ հանձնարարականներ են տրված համապատասխան կառույցներին»,- ասաց վարչապետը:
—
