Ջեյհուն Բայրամովը մեկ անգամ ևս ներկայացրել է Ադրբեջանի դիրքորոշումը հաղորդակցությունների բացման և սահմանազատման հարցերում։
Մայիսի 24-ին կայացել է Ադրբեջանի արտաքին գործերի նախարար Ջեյհուն Բայրամովի և ԱՄՆ պետքարտուղարության՝ Կովկասում բանակցությունների գծով ավագ խորհրդական Լուիս Բոնոյի հանդիպումը:
Կողմերը քննարկել են Ադրբեջանի և Հայաստանի միջև խաղաղության հաստատման գործընթացը, «Խաղաղության և միջպետական հարաբերությունների կառուցման մասին» համաձայնագրի նախագծի բանակցությունների ներկա վիճակը, այդ շրջանակում անցկացված վերջին հանդիպումների արդյունքները և բանակցությունների հեռանկարները:
Ջեյհուն Բայրամովը մեկ անգամ ևս ներկայացրել է Ադրբեջանի դիրքորոշումը հաղորդակցությունների բացման և սահմանազատման հարցերում։
Լուիս Բոնոն հայտարարել է, որ ԱՄՆ-ն պատրաստ է ամեն կերպ աջակցելու խաղաղության հաստատման գործընթացին։ Նա ընդգծել է տարածաշրջանի զարգացման համար խաղաղության և կայունության ապահովման անհրաժեշտությունը:
–
