Թուրքիայում կիրակի օրը սկսվել է նախագահական ընտրությունների երկրորդ փուլի քվեարկությունը։
ՏԱՍՍ-ի փոխանցմամբ՝ Անկարայում և Ստամբուլում, Թուրքիայի խոշոր քաղաքներում զգալիորեն ուժեղացվել են անվտանգության միջոցները, որպեսզի ընտրողները կարողանան ապահով կերպով օգտվել իրենց ընտրական իրավունքից։
Ակնկալվում է, որ Թուրքիայի գործող նախագահ Ռեջեփ Թայիփ Էրդողանը կքվեարկի Ստամբուլում, իսկ նրա ընդդիմադիր մրցակից Քեմալ Քըլըչդարօղլուն՝ Անկարայում։
Մայիսի 19-ին Թուրքիայի բարձրագույն ընտրական հանձնաժողովը հրապարակել է երկրում նախագահական ընտրությունների առաջին փուլի արդյունքները։ Ըստ այդ տվյալների՝ գործող նախագահ Էրդողանին աջակցել է քվեարկածների 49,52%-ը, ընդդիմության առաջնորդ Քըլըչդարօղլուն՝ 44,88%-ը։ Երկրորդ փուլում հաղթող կճանաչվի առավելագույն ձայներ հավաքած թեկնածուն։
Հասարակական կարծիքի վերջին հարցումները հիմնականում հանդես են գալիս ընտրություններում Էրդողանի հաղթանակի օգտին։ Ընդդիմությունն ասում է, որ հաղթելու է Քըլըչդարօղլուին։
