Միլլերի խոսքով` ԱՄՆ-ն մտահոգված է հայ-ադրբեջանական սահմանին տիրող իրավիճակով։
Միացյալ Նահանգները մտահոգված է հայ-ադրբեջանական սահմանին ստեղծված իրավիճակով: Այս մասին իր հերթական ճեպազրույցի ժամանակ հայտարարել է ԱՄՆ պետքարտուղարության պաշտոնական ներկայացուցիչ Մեթյու Միլլերը:
«Մենք նախկինի պես մտահոգված ենք այս իրավիճակով: Մենք շարունակում ենք կողմերին կոչ անել աշխատել միասին` մնացած տարաձայնությունները հաղթահարելու համար»,- նշել է նա:
Պաշտոնական Վաշինգտոնը վերահաստատել է իր նախկին գնահատականն` այն մասին, որ Հայաստանի ու Ադրբեջանի միջև խաղաղության պայմանագիրը «հասանելիության սահմաններում է»:
«Մենք իսկապես կարծում ենք, որ խաղաղության համաձայնագրին դեռ հնարավոր է հասնել, և մենք անհամբերությամբ սպասում ենք կողմերի հանդիպմանը` նոր առաջընթացի համար»,- նշել է Միլլերը:
