Փրկարարները բեռնատարը դուրս են բերել արգելափակումից
Հունիսի 16-ին, ժամը 08:47-ին Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «Ջերմուկի սար» տանող ճանապարհին՝ հեռուստաաշտարակի մոտակայքում, բեռնատար ավտոմեքենան արգելափակվել է ցեխակույտի մեջ․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «KamAZ» մակնիշի բեռնատարը (վարորդ՝ Ս․ Հ․)
Ջերմուկ քաղաքից «Ջերմուկի սար» տանող գրունտային ճանապարհի մոտ 20-րդ կմ-ին արգելափակվել է ցեխակույտի մեջ։
Փրկարարները տեղի ուժերի հետ համատեղ բեռնատարը դուրս են բերել արգելափակումից։
