Transavia ավիաընկերությունը սկսել է չվերթ իրականացնել նոր երթուղով` Մարսել-Երևան-Մարսել: Այս մասին հայտնում է «Արմենիա» միջազգային օդանավակայանների մամուլի ծառայությունը։
«Չվերթերը կիրականացվեն շաբաթական 1 անգամ` յուրաքանչյուր երեքշաբթի»,– ասվում է հաղորդագրությունում։
Նշվում է, որ նոր չվերթը մեկնարկել է հունիսի 27–ին։ «Արմենիա» միջազգային օդանավակայաններից հայտնում են, որ տոմսերը վաճառվում են ավիաընկերության կայքում` transavia.com հասցեով։
