Արամ Ոսկանյանը կմարզի «Սյունիք»-ը (տեսանյութ)

Արամ Ոսկանյանը հանդես է եկել նաեւ Հայաստանի երիտասարդական եւ ազգային հավաքականներում։

Արամ Ոսկանյանը նշանակվել է «Սյունիքի» գլխավոր մարզիչի պաշտոնում։ Կողմերը կնքել են երեք տարվա պայմանագիր։ Թիմը հանդես է գալիս Հայաստանի Առաջին խմբում։

Ոսկանյանը մարզչական կարիերան սկսել է 2011-ին՝ ընդգրկվելով «Միկայի» մարզչական շտաբում, իսկ 2013-ին նշանակվել է թիմի գլխավոր մարզիչ։

47-ամյա մասնագետը մարզել է նաեւ «Բանանցը», «Ալաշկերտը» եւ «Արարատը»։ 2015-2017 թթ․ Ոսկանյանը գլխավորել է Հայաստանի Մ19 հավաքականը։

2020-2021 թթ․ Ոսկանյանը մարզել է ղազախական «Ատիրաուն», որը նրա գլխավորությամբ դարձել է Առաջին խմբի չեմպիոն եւ նվաճել Պրեմիեր լիգայի ուղեգիր։

Որպես ֆուտբոլիստ՝ Արամ Ոսկանյանը հանդես է եկել «Բանանցում», «Փյունիկում», «Արարատում», «Միկայում», ինչպես նաեւ ռուսական «Բալթիկա», «Սանկտ Պետերբուրգ», ղազախական «Եսիլ-Բոգատիր», «Կիզիլ-Ժար» ակումբներում եւ Տաշքենդի «Լոկոմոտիվում»։

Արամ Ոսկանյանը Հայաստանի կրկնակի չեմպիոն է, եռակի գավաթակիր։

Արամ Ոսկանյանը հանդես է եկել նաեւ Հայաստանի երիտասարդական եւ ազգային հավաքականներում։

–