ՃՏՊ Գորիս-Շինուհայր ավտոճանապարհին

«VAZ» մակնիշի ավտոմեքենաների բախման հետևանքով 3 հոգի հոսպիտալացվել են Գորիսի ԲԿ։

Հուլիսի 30-ին, ժամը 18։54-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Տաթև գյուղի խաչմերուկի մոտակայքում տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Գորիս-Շինուհայր ավտոճանապարհի մոտ 14-րդ կմ-ին բախվել է երկու «VAZ» մակնիշի ավտոմեքենա (վարորդներ՝ Վ․ Բ․, ծնված 1971 թ. և Ռ․ Մ․, ծնված 1969 թ.):

Մինչ փրկարարների կանչի վայր հասնելը՝ տուժածներ Հ․ Հ․-ն (ծնված 2005 թ.), Հ․ (ծնված 2001 թ.) և Հ․ (ծնված 1995 թ.) Մ․-ները հոսպիտալացվել են Գորիսի ԲԿ:

Փրկարարները հոսանքազրկել են ավտոմեքենաները և փակել գազի բալոնների փականները: