Ադրբեջանի ԱԳՆ-ի խոսքով՝ երկար տարիներ Հայաստանի հետ հարաբերությունների կարգավորումն անհնար էր Հայաստանի օկուպացիոն քաղաքականության հետևանքով
Հայաստանի հետ հարաբերությունների կարգավորման հարցում Ադրբեջանի և Թուրքիայի դիրքորոշումն ակնհայտ է։ Այս մասին այսօր Անկարայում՝ Թուրքիայի արտգործնախարար Հաքան Ֆիդանի հետ համատեղ ասուլիսում, հայտարարել է Ադրբեջանի արտգործնախարար Ջեյհուն Բայրամովը:
«Երկար տարիներ կարգավորումն անհնար էր Հայաստանի օկուպացիոն քաղաքականության հետևանքով»,- ասել է Ադրբեջանի արտաքին գերատեսչության ղեկավարը:
Նրա խոսքով՝ ադրբեջանական տարածքներն օկուպացիայից ազատագրելուց անմիջապես հետո նախագահ Իլհամ Ալիևը հայտարարել է, որ Ադրբեջանը պատրաստ է աշխատել Հայաստանի հետ խաղաղության համաձայնագրի վրա։
«Դա հաղթանակած պետության և հաղթանակած առաջնորդի քայլն էր»,- հավելել է Ջեյհուն Բայրամովը։
