Հանկարծակի որևիցե մեկի մտքով չանցնի, որ ես ինչ-որ գործարքի եմ գնում․ Դավիթ Տոնոյան

Արդեն իմ կալանքի հետ կապված որոշումը Վերաքննիչ դատարանը որոշել է բեկանել։

44-օրյա պատերազմի հանգամանքների քննիչ հանձնաժողովի նիստին հանձնաժողովի անդամ Դավիթ Սանասարյանը պաշտպանության նախկին նախարար Դավիթ Տոնոյանին ահրցրեց, թե արդյոք վարչապետ Նիկոլ Փաշինյանի կողմից չեն եղել զիջելու, հանձնելու հանձնարարականներ:

«Ես այդպիսի հանձնարարություններ չեմ ստացել, և ամեն դեպքում, ինձ վերաբերող մասով հարցերը քննարկվել են: Եղել է և վիճաբանություն, եղել են իրար չհասկանալու, ճշգրտելու խնդիրներ, բայց դա բնական պրոցես է եղել: Վիճաբանությունը միգուցե սուր ասացի, բայց այնպիսին, որը կարող էր ազդել ռազմական գործողությունների կամ ԶՈՒ կիրառման վրա, այդպիսի հանձնարարություններ չեն եղել: Հանկարծակի որևիցե մեկի մտքով չանցնի, որ ես ինչ-որ գործարքի եմ գնում կամ չգիտեմ՝ ինչ եմ անում: Ես շատ լավ գիտակցում եմ, թե ինչու եմ ես կալանավորված, ինձ համար ենթագիտակցաբար կրում եմ այս կալանավորումը, ոչ թե այն փաթեթավորումը, որ կա. պատերազմի արդյունքի համար, ոչ նրա համար, ինչը որ ձևակերպված է: Ոնց ուզում են դրան վերաբերվեն: Հենց այդ ենթագիտակցությամբ պատրաստ եմ շարունակել, որպեսզի պարզ լինի, իրավիճակն էլ լիցքաթափվի: Այդ բանսարկու մեղադրանքը, ի վերջո, մեկ է՝ բացահայտվելու է։ Արդեն իմ կալանքի հետ կապված որոշումը Վերաքննիչ դատարանը որոշել է բեկանել»,- պարզաբանեց Դավիթ Տոնոյանը:

—