ՆԱՏՕ-ն բոլոր շահագրգիռ կողմերին կոչ է անում կրկնապատկել ջանքերը՝ Հայաստանի և Ադրբեջանի միջև բանակցված համաձայնագրի հասնելու ուղղությամբ։
Լաչինի միջանցքի շուրջ ստեղծված իրավիճակով իր անհանգստությունն է հայտնել ՆԱՏՕ-ի գլխավոր քարտուղարի քաղաքական հարցերի և անվտանգության քաղաքականության գծով օգնականի տեղակալն ու Կովկասում և Կենտրոնական Ասիայում հատուկ ներկայացուցիչ Խավիեր Կոլոմինան:
«Խորապես անհանգստացած եմ Լաչինի միջանցքի շուրջ ստեղծված վատթարացող իրավիճակով: Կարևոր են միջանցքով ազատ տեղաշարժն ապահովելն ու մարդասիրական հրատապ կարիքները լուծելը: ՆԱՏՕ-ն բոլոր շահագրգիռ կողմերին կոչ է անում կրկնապատկել ջանքերը՝ Հայաստանի և Ադրբեջանի միջև բանակցված համաձայնագրի հասնելու ուղղությամբ»,- գրված է Կոլոմինայի թվիթերյան միկրոբլոգում։
–
