ԱՄՆ պետքարտուղարության խոսնակ Մեթյու Միլլերը, ճեպազրույցում անդրադառնալով հայ-ադրբեջանական կարգավորման և հաշտության համաձայնագրի հասնելու հնարավորությանը, խոսել է Թուրքիայի դերակատարության մասին:
Լրագրողը հիշեցրել է, որ օրերս ԱՄՆ պետքարտուղարը հեռախոսազրույց է անցկացրել Թուրքիայի արտաքին գործերի նախարար Հաքան Ֆիդանի՝ քննարկելով հայ-ադրբեջանական կարգավորումը:
«Ինչպե՞ս եք սահմանում Թուրքիայի դերը հենց այս պահին այս գործընթացում», – հետաքրքրվել է լրագրողը:
«Ես չեմ ուզում դրա վերաբերյալ մանրամասն խոսել, դա մասնավոր դիվանագիտական խոսակցություն էր: Միայն կասեմ՝ մենք հավատում ենք, որ Թուրքիան կարող է արդյունավետ դեր խաղալ այս հարցում», – ասել է Միլլերը:
