Կինոփառատոնն անցկացվում Է ԱՊՀ մասնակից պետությունների Հումանիտար համագործակցության միջպետական հիմնադրամի աջակցությամբ:
Հայկական երեք ֆիլմ ընդգրկվել է «Բայկոնուր» 8-րդ միջազգային կինոփառատոնի կարճամետրաժ ֆիլմերի եզրափակիչ ցանկում. կինոփառատոնը կանցկացվի սեպտեմբերի 6-10-ը Ղազախստանի Ալմաթի քաղաքում։
Հայաստանը ներկայացնելու են ռեժիսոր Աստղիկ Ղազարյանի «Լիլիթ անունով տիկնիկը», Մարինա Արզումանովայի «Ռոմեո» և Լուսինե Պապոյանի «Հավասարում երկու փոփոխականով» ֆիլմերը:
Փառատոնի շրջանակներում կանցկացվեն խաղարկային և վավերագրական կարճամետրաժ ֆիլմերի ցուցադրություններ, անիմացիոն կինոյի փառատոն, հարավկորեական անիմացիոն կինոյի օր, վարպետության դասեր, հայտնի ռեժիսորների և դերասանների դասախոսություններ ու քննարկումներ կլոր սեղանների շուրջ:
Կինոփառատոնն անցկացվում Է ԱՊՀ մասնակից պետությունների Հումանիտար համագործակցության միջպետական հիմնադրամի աջակցությամբ:
2021 թվականին «Բայկոնուր» 6-րդ միջազգային կինոփառատոնի լավագույն ֆիլմ էր ճանաչվել Հայաստանցի ռեժիսոր Ալեքսանդր Բաղդասարյանի «Ամանորյա խոճկորը» ֆիլմը։
—
