Թուրքիայի նախագահը կմեկնի Հունգարիա

Հանդիպման ընթացքում կքննարկվեն անվտանգությանն ու տնտեսությանն առնչվող հարցեր։

Թուրքիայի նախագահ Ռեջեփ Թայիփ Էրդողանն օգոստոսի 20-ին կմեկնի Հունգարիայի մայրաքաղաք Բուդապեշտ։ Այդ մասին հայտնում է Telex առցանց պարբերականը։ Էրդողանի այցը Բուդապեշտ կայանալու է Հունգարիայի վարչապետ Վիկտոր Օրբանի հրավերով։

Պարբերականի տվյալներով՝ հանդիպման ընթացքում կքննարկվեն անվտանգությանն ու տնտեսությանն առնչվող հարցեր։ Կողմերը նախատեսում են նախապատրաստել Թուրք-հունգարական բարձր մակարդակի ռազմավարական համագործակցության խորհրդի հաջորդ նիստը, որը կկայանա տարեվերջին Բուդապեշտում։ 

Թուրքիայի նախագահը վերջին անգամ պաշտոնական այցով Կենտրոնական Եվրոպայի այդ երկիր էր այցելել 2019 թվականի նոյեմբերին։

—