Ադրբեջանի կողմից Լաչինի միջանցքի շրջափակումը հանգեցրել է մարդու իրավունքների և միջազգային համաձայնագրերի խախտումների։ Նման գրառում է արել Կանադայի խորհրդարանի պատգամավոր Ռեյչել Թոմասն X-ի (նախկին Twitter) իր միկրոբլոգում՝ անհանգստություն հայտնելով Լեռնային Ղարաբաղում հայերի հետապնդումների կապակցությամբ:
«Կանադա-Արցախ խորհրդարանական բարեկամության խումբը հորդորում է արտգործնախարար Մելանի Ժոլիին և Լիբերալ կառավարությունը միջոցներ ձեռնարկել Լեռնային Ղարաբաղում հայերի հետապնդումները դադարեցնելու համար»,- գրել է Ռեյչել Թոմասը:
