«Բայց ինչպես ասել եմ և ասում եմ հիմա, այս գործողության հիմնական և առանցքային թիրախը Հայաստանին ռազմական գործողությունների մեջ ներքաշելն է»,- ասաց նա:
Եթե Ադրբեջանը հայտարարում է, որ տեղի է ունենում «հակաահաբեկչական գործողություն», և քաղաքացիական ենթակառուցվածքներին, քաղաքացիներին հարված չի հասցվում, ապա հարց է ծագում՝ ինչո՞ւ են նրանք հայտարարում մարդկանց՝ ԼՂ-ից դուրս գալու համար մարդասիրական միջանցք բացելու մասին: Այդ մասին իր տեսաուղերձի ժամանակ ասաց ՀՀ վարչապետ Նիկոլ Փաշինյանը՝ անդրադառնալով ԼՂ-ում Ադրբեջանի կողմից մեկնարկած գործողություններին:
«Եթե նրանց ասածն իրականության հետ կապ ունենար, ընդհակառակը, պիտի հորդորեին քաղաքացիներին մնալ ապաստարաններում և դուրս չգալ այնպիսի վայրեր, որտեղ նրանք ակամայից կարող են խոցվել»,- ասաց վարչապետը, ապա նաև հավելեց, որ այդ տրամաբանությունը ցույց է տալիս, որ Ադրբեջանը, ըստ էության, մեկնարկել է ԼՂ հայությանը էթնիկ զտումների ենթարկելու ցամաքային օպերացիան։
ՀՀ սահմանների երկայնքով իրադրությունը հարաբերականորեն կայուն է, այսինքն՝ իրադրության տեսանելի և էական փոփոխություն մենք չունենք: Այդ մասին տեսաուղերձի ժամանակ ասաց ՀՀ վարչապետ Նիկոլ Փաշինյանը:
«Բայց ինչպես ասել եմ և ասում եմ հիմա, այս գործողության հիմնական և առանցքային թիրախը Հայաստանին ռազմական գործողությունների մեջ ներքաշելն է»,- ասաց նա:
Վարչապետը նաև տեղեկացրեց, որ ադրբեջանական որոշ ԶԼՄ-ներ լուրեր են տարածում, թե հարվածներ են հասցնում ՀՀ ԶՈՒ ստորաբաժանումների ուղղությամբ՝ նկատի ունենալով ԼՂ-ն:
«Ցավոք, այս նույն տեղեկատվությունը կրկնում են նաև մեր մի շարք գործընկերներ, որոնք ասում են, որ Հայաստանին և Ադրբեջանին կոչ ենք անում դադարեցնել ռազմական գործողությունները:
Ուզում եմ արձանագրել, որ ՀՀ-ն ռազմական գործողությունների մեջ ներքաշված չէ, և ուզում եմ հերթական անգամ արձանագրել, որ ՀՀ-ն ԼՂ-ում բանակ չունի: Նաև մեր հանրության ուշադրությունն եմ ուզում հրավիրել ներքին ու արտաքին մի շարք ուժերի վրա, որոնք ուզում են Հայաստանը ներքաշել լայնածավալ ռազմական գործողությունների մեջ:
«Մենք մեր դիրքորոշմամբ արձանագրում ենք, որ ՀՀ-ին ռազմական էսկալացիայի մեջ ներքաշելու փորձերը մեզ համար անընդունելի են, և մենք կառավարելու ենք այս գործընթացը»,- ասաց նա:
–
