Ինչպիսի եղանակ է սպասվում

Օդերևութաբանները ներկայացրել են առաջիկա օրերի եղանակային կանխատեսումները։

Երևանում սեպտեմբերի 22-23-ին, 26-ին սպասվում է առանց տեղումների եղանակ։ Սեպտեմբերի 24-ի երեկոյան ժամերին, 25-ի գիշերը սպասվում է կարճատև անձրև և ամպրոպ։ Սեպտեմբերի 21-22-ին երեկոյան ժամերին սպասվում է քամու ուժգնացում՝ 10-13 մ/վրկ, 23-25-ին՝ 13-16 մ/վրկ արագությամբ։

Հանրապետության տարածքում սեպտեմբերի 22-25-ին առանձին շրջաններում սպասվում են կարճատև անձրև և ամպրոպ, առանձին վայրերում հնարավոր է նաև մառախուղ։ Սեպտեմբերի 26-ին սպասվում է առանց տեղումների եղանակ։

Քամին՝ հարավարևելյան, 3-4 մ/վրկ, ամպրոպի ժամանակ սպասվում է քամու ուժգնացում 17-20 մ/վրկ արագությամբ։

Օդի ջերմաստիճանն էապես չի փոխվի։