Պայթյունից սկսվել է հրդեհ, որը հիմա մարում են։
Ուկրաինայի զինված ուժերը հրթիռային հարված են հասցրել Սևաստոպոլում գտնվող Ռուսաստանի Սևծովյան նավատորմի կենտրոնակայանի շենքին:
«Թշնամին հրթիռային հարված է հասցրել նավատորմի շտաբին: Բոլոր օպերատիվ ծառայությունները մեկնել են տեղամաս: Զոհերի մասին տեղեկությունները ճշտվում են»,- Տելեգրամ-ալիքում գրել է Սևաստոպոլի նահանգապետ Միխայիլ Ռազվոժաևը:
Նրա փոխանցմամբ, հնարավոր է ևս մեկ հարձակում: Նա այդ կապակցությամբ բնակիչներին խնդրել է չմեկնել քաղաքի կենտրոն և դուրս չգալ տներից:
Հաղորդվում է, որ հրթիռակոծման վայր են մեկնել շտապօգնության մեծ թվով մեքենաներ: Պայթյունից սկսվել է հրդեհ, որը հիմա մարում են:
Ավելի ուշ Ռուսաստանի պաշտպանության նախարարության Տելեգրամ-ալիքի փոխանցմամբ՝ հրթիռի հարվածից զոհվել է մեկ զինծառայող:
Սևծովյան նավատորմի շտաբը գտնվում է Սևաստոպոլի պատմական կենտրոնում, դրա հարևանությամբ գտնվում են մեծ թվով քաղաքացիական օբյեկտներ:
