Վերակենդանացման բաժանմունքներում գտնվում է 11 երեխա, այդ թվում 4 նորածին։
Հայաստանի առողջապահական տարբեր հաստատություններում այս պահին շարունակում է բուժում ստանալ Արցախից բռնի տեղահանված 342 բուժառու։ Տեղեկությունը հրավիրված ասուլիսում հայտնեց ՀՀ վարչապետի մամուլի քարտուղար Նազելի Բաղդասարյանը։
Վերջինիս խոսքով` վերակենդանացման բաժանմունքներում գտնվում է 11 երեխա, այդ թվում 4 նորածին։
Ընդհանուր առմամբ Արցախից բռնի տեղահանված մինչև 18 տարեկան շուրջ 16.000 երեխա է տեղափոխվել Հայաստանի Հանրապետություն:
Այսօր ժամը 20։00–ի դրությամբ Արցախից բռնի տեղահանված 76.407 մարդ է ժամանել Հայաստան։
