ՄԱԿ-ի փախստականների հարցերով գործակալությունը (UNHCR) մեծացնում է աջակցությունը Հայաստանի իշխանություններին:
Ղարաբաղից Հայաստան է ժամանել ավելի քան 100 հազար փախստական։ Այս մասին ՄԱԿ-ի փախստականների հարցերով գործակալության (UNHCR) ղեկավար Ֆիլիպո Գրանդին գրել է X-ի իր միկրոբլոգում։
«Ղարաբաղից Հայաստան է ժամանել ավելի քան 100 հազար փախստական:
Շատերը սոված են, ուժասպառ և անհապաղ օգնության կարիք ունեն։
ՄԱԿ-ի փախստականների հարցերով գործակալությունը (UNHCR) և մյուս հումանիտար գործընկերները մեծացնում են իրենց աջակցությունը Հայաստանի իշխանություններին, սակայն միջազգային օգնությունը շատ շտապ է անհրաժեշտ:
