Լըկորնյուն ընդգծել է Ֆրանսիա-Հայաստան պաշտպանական համագործակցության երեք ուղղություններում առաջընթացը

Առաջին. աջակցություն հայոց բանակին այն վերափոխելու գործում:

Հայաստանը պետք է կարողանա պաշտպանել իրեն և իր բնակչությանը՝ X-ի (նախկին Twitter) իր միկրոբլոգում գրել է Ֆրանսիայի զինված ուժերի նախարար Սեբաստիեն Լըկորնյուն, գոհունակություն հայտնել ՀՀ պաշտպանության նախարար Սուրեն Պապիկյանի հետ պաշտպանական համագործակցության երեք ուղղություններում առաջընթաց արձանագրելու կապակցությամբ:

«Առաջին. աջակցություն հայոց բանակին այն վերափոխելու գործում.

• 2023 թվականի հունվարին պաշտպանական առաքելության բացում.
• Ֆրանսիացի սպայի գործուղում՝ որպես ՀՀ ՊՆ-ում ռազմական խորհրդատու.
• Բազմաթիվ այցեր և աշխատանքային հանդիպումներ:

Երկրորդ. ուսուցում.

• Համագործակցություն սպաների և ենթասպաների վերապատրաստման դպրոցների հետ.
• Ուսուցում գործառնական ուսուցման ստորաբաժանումներում, մասնավորապես Լեռնային մարտերի և ճշգրիտ հրաձգության ոլորտում:

Երրորդ. ցամաքային հակաօդային պաշտպանության ուժեղացում.

• Երեք GM200 ռադարների ձեռքբերման պայմանագրի և հակաօդային պաշտպանության մտադրության մասին հուշագրի ստորագրում.
• Mistral հրթիռային համալիր ձեռք բերելու մտադրության հուշագրի ստորագրում.
• Հայաստանի ցամաքային և հակաօդային պաշտպանության առաջիկա աուդիտ»,- նշել է ֆրանսիացի նախարարը։