Ըստ Շահրամանյանի` Ադրբեջանական կողմն Արցախի ղեկավարների մասով ցուցաբերում էր ընտրովի մոտեցում։
Արցախի Հանրային հեռուստատեսությանը տված հարցազրույցում Արցախի Հանրապետության նախագահ Սամվել Շահրամանյանը պատմել է՝ ինչպես է հատել Հակարիի կամուրջը և տեղափոխվել Հայաստան։
«Ադրբեջանական կողմը ցուցաբերում էր ընտրովի մոտեցում։ Որոշ գործող ղեկավարներ դուրս են եկել, ձերբակալվել են նախկին ղեկավարները։ Ես չեմ կարող այդ հարցին պատասխանել՝ ինչու ադրբեջանական կողմից կայացվեց նման որոշում, բայց նաև կարող եմ եզրակացնել, որ մարդիկ, որոնք հայտնվել են Ադրբեջանում, ձերբակալվել են և տեղափոխվել են Բաքու՝ քաղաքական նպատակներով։
Ես տեղափոխվել եմ ուղղաթիռով։ Ուղղաթիռով տեղափոխվել ենք ես, պաշտպանության նախարարը և իմ անվտանգության երկու աշխատակից։ Մենք Սիսիան ենք հասել ուղղաթիռով»,- ասել է Սամվել Շահրամանյանը։
