Ավտովթար Սյունիքի մարզում

Ավտոմեքենան մի քանի պտույտ շրջվելով, գլխիվայր հայտնվել է ձորում։

Նոյեմբերի 11-ին խոշոր ավտովթար է տեղի ունեցել Սյունիքի մարզում։ Ժամը 19:50-ի սահմաններում Նորաշենից Վերին Խոտանան ավտոճանապարհին Range Rover մակնիշի ավտոմեքենան, դեռևս անհայտ հանգամանքներում, դուրս է եկել ճանապարհի երթևեկելի գոտուց և մոտ 20 մետր՝ մի քանի պտույտ շրջվելով, գլխիվայր հայտնվել ձորում։

Ինչպես հայտնում է Shamshyan.com-ը, վթարի հետևանքով 2 հոգի տեղում առաջին բուժօգնություն են ստացել, սակայն հրաժարվել են հիվանդանոց մեկնելուց։ Վթարի փաստով փաստաթղթեր են ձևակերպվում, որտեղ էլ պարզում են ավտոմեքենայի սեփականատիրոջ, վարորդի և բժիշկների կողմից բուժօգնություն ստացածների ինքնությունը։