Իո կղզին գտնվում է Օգասավարա կղզիների շղթայում՝ Տոկիոյից հազարավոր կիլոմետրեր դեպի հարավ։
Տոկիոյի համալսարանի երկրաշարժերի հետազոտությունների ինստիտուտի փորձագետները հայտարարել են ճապոնական Իո կղզու մոտ ստորջրյա հրաբխի ժայթքման արդյունքում մոտ 100 մետր տրամագծով նոր կղզու ձևավորման մասին։ Այս մասին հայտնում է РИА Новости-ն։
Հոկտեմբերի 30-ին իրականացված օդային դիտարկումների ընթացքում հաստատվել է ստորջրյա հրաբխի ժայթքումը Իո կղզու տարածքում։ Մասնագետները կարծում են, որ ժայթքման ժամանակ, երբ մագման մտել է օվկիանոսի ջրեր, տեղի է ունեցել այսպես կոչված ֆրեատոմագմատիկ պայթյուն, որի ժամանակ ջրի մակերևույթի տակից դուրս են նետվել հսկայական քարեր։
Ժայթքման վայրից ոչ հեռու հայտնաբերվել է մոտ 100 մետր տրամագծով նոր կղզի։ Նրա մակերեսը ծածկված է հրաբխային ապարներով, իսկ շրջակայքի սահմանամերձ ջրային տարածքն ունի մոխրագույն-բեժ երանգ։ Դրա պատճառով փորձագետները կարծում են, որ ժայթքումների շարունակման հետ կղզու չափերը նույնպես կարող են մեծանալ:
Իո կղզին գտնվում է Օգասավարա կղզիների շղթայում՝ Տոկիոյից հազարավոր կիլոմետրեր դեպի հարավ։
