Ուժեղ քամիներ` Չեխիայում

Գնացքների երթևեկությունը դադարեցվել է Կառլովի Վարիի մարզում և Լիբերեցի շրջանում երեք հատվածներով։

Քամու ուժգին պոռթկումներով ուղեկցվող ձյունը Չեխիայի երկաթուղու մի քանի հատվածներում հանգեցրել է գնացքների կանգառի և միջքաղաքային ավտոբուսների չվացուցակի խախտման։ Այս մասին հայտնում են ազգային փոխադրող ընկերությունների կայքերը։

Գնացքների երթևեկությունը դադարեցվել է Կառլովի Վարիի մարզում և Լիբերեցի շրջանում երեք հատվածներով։ Ճանապարհները մաքրվում են ուժեղ քամու հետևանքով տապալված ծառերի ճյուղերից ու գերաններից։ Եղանակի հանկարծակի փոփոխության պատճառով, որի ժամանակ ճանապարհներին ձյան արագ աճող շերտի տակ մերկասառույց է առաջացել, Կենտրոնական Բոհեմի շրջանի մի շարք միջքաղաքային ավտոբուսային երթուղիներ չեղարկվել են։