ՃՏՊ Կապան-Տաթև ճանապարհին

Իրար են բախվել երկու բեռնատար՝ ճանապարհը դարձնելով միակողմանի երթևեկելի։

Նոյեմբերի 29-ին, ժամը 16։24-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վերին Խոտանան-Տանձավեր ավտոճանապարհին տեղի է ունեցել ՃՏՊ, բախվել են երկու բեռնատար, ճանապարհը դարձել է միակողմանի երթևեկելի․ տուժածներ չկան։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի Աղվանիի հենակետից մեկ մարտական հաշվարկ։

Պարզվել է, որ Կապան-Տաթև ավտոճանապարհի 28-րդ կմ-ին բախվել են «VOLVO» (վարորդ՝ Ա․ Մ․) և «KamAZ» (վարորդ՝ Հ․ Բ․) մակնիշների բեռնատար ավտոմեքենաները, ճանապարհը դարձել է միակողմանի երթևեկելի։

Փրկարարները բեռնատար ավտոմեքենաները դուրս են բերել ճանապարհի երթևեկելի հատվածից, իսկ «KamAZ» մակնիշի բեռնատարը քարշակել (մոտ 3 մ), բեռնատարները շարունակել են ընթացքը․ ճանապարհը դարձել է երթևեկելի։