Անհանգստանալու խնդիր չկա, սովորական միջոցառում է՝ ուղղված հասարակական անվտանգությանը։
Ոստիկաններն ուժեղացված ծառայություն են իրականացրել մետրոպոլիտենի բոլոր կայարանների մուտքերի մոտ՝ ապահովելով մետրո մուտք գործող յուրաքանչյուր քաղաքացու անվտանգությունը։
«Մետրոպոլիտենում որևէ արտառոց իրադարձություն տեղի չի ունենում։ Պարզպես հերթական անգամ ոստիկանները ստուգումներ են իրականացնում՝ մետաղաորսիչ սարքերի միջոցով ստուգում են ուղևորների խոշորածավալ կամ կասկածելի թվացող իրերը։ Անհանգստանալու խնդիր չկա, սովորական միջոցառում է՝ ուղղված հասարակական անվտանգությանը»:
Այս մասին հայտնում են Երևանի մետրոպոլիտենից։
