2023 թվականի օգոստոսին Wildberries առցանց մանրածախ վաճառողը բանակցություններ էր սկսել Չինաստանից պոտենցիալ գործընկերների հետ:
Wildberries-ը սկսել է աշխատել Չինաստանի արտադրողների և վաճառողների հետ, РБК-ին տված հարցազրույցում հայտարարել է շուկայի հիմնադիր և սեփականատեր Տատյանա Բակալչուկը։
«Այժմ մենք սկսում ենք աշխատել Չինաստանից արտադրողների և վաճառողների հետ. նրանց արտադրանքն ուղղակիորեն կներկայացվի մեր հարթակում», — ասել է ձեռնարկատերը:
Բակալչուկն ընդգծել է, որ ռուսական բիզնեսը մնում է առաջնահերթություն, և չինական շուկա մուտք գործելը դրա վրա որևէ կերպ չի ազդի։ Այժմ ընկերության ընդհանուր շրջանառության 90%-ը գալիս է Ռուսաստանից, մնացածն ընկերության գործունեությունն է արտերկրում։ Wildberries-ը գործում է Բելառուսում, Հայաստանում, Ղազախստանում, Ուզբեկստանում, Ղրղզստանում, Իսրայելում և Ադրբեջանում։
2023 թվականի օգոստոսին Wildberries առցանց մանրածախ վաճառողը բանակցություններ էր սկսել Չինաստանից պոտենցիալ գործընկերների հետ: Չինաստանի Մտավոր սեփականության ազգային վարչության կայքում տեղադրված ռեեստրի տվյալների համաձայն՝ դեռևս 2021 թվականին ընկերությունը դիմումներ է ներկայացրել երկրում իր ապրանքային նշանը տարբեր դասերում գրանցելու համար ՝ ըստ Ապրանքների և ծառայությունների միջազգային դասակարգման։
Wildberries-ը ռուսական խոշորագույն առցանց մանրածախ վաճառող է: Կայքի շրջանառությունը 2022 թվականին նախորդ տարվա համեմատ աճել էր 98%-ով և կազմել 1,669 տրլն ռուբլի։
