Սպասվում է, որ առաքումը Հայաստան կսկսվի առաջիկա մի քանի ամիսների ընթացքում։
Հնդկաստանը մտադիր է առաջիկա մի քանի ամիսների ընթացքում սկսել Հայաստանին մատակարարել իր «Ակաշ» զենիթահրթիռային համակարգերը:
Alphanews.am-ի փոխանցմամբ, այս մասին հայտնում է ANI գործակալությունը՝ հղում անելով երկրի պաշտպանության նախարարության աղբյուրին։
«Սպասվում է, որ առաքումը Հայաստան կսկսվի առաջիկա մի քանի ամիսների ընթացքում»,- նշել է աղբյուրը։
Գործակալության տվյալներով՝ Հայաստանը ՀՕՊ այս համակարգերը Հնդկաստանից գնել է 600 մլն դոլարով։
«Ակաշ» փոքր հեռահարության զենիթահրթիռային համակարգը ստեղծվել է Հնդկաստանի պաշտպանական հետազոտությունների և զարգացման կազմակերպության կողմից։ Համալիրի առաջին հաջող փորձարկումները տեղի են ունեցել 2007 թվականի դեկտեմբերին։
