Ընդդիմությունը մեղադրում է Ալեքսանդր Վուչիչին և նրա իշխող Սերբական առաջադիմական կուսակցությանը քվեաթերթիկների լցոնման, ընտրակաշառքի և այլ միջոցներով ընտրությունների արդյունքները կեղծելու մեջ:
Սերբիայի մայրաքաղաք Բելգրադում ցուցարարները փորձել են գրոհել քաղաքապետարանի շենքը։ Ոստիկանությունը ցրել է ցուցարարներին՝ կիրառելով արցունքաբեր գազ․ հայտնում է BBC–ն։
Սերբիայում բողոքի ցույցերը սկսվել են դեկտեմբերի 17-ի ընտրություններից անմիջապես հետո, սակայն անկարգություններն առաջին անգամ են տեղի ունեցել:
Սերբիայի նախագահ Ալեքսանդր Վուչիչը հեռուստաուղերձում ասել է, որ բախումների ժամանակ վիրավորվել է երկու ոստիկան, ձերբակալվել է գրոհի ավելի քան 35 մասնակից:
Ընդդիմադիրները ոստիկանությանը մեղադրում են իրենց դեմ անհամաչափ ուժ կիրառելու մեջ։ Նրանց խոսքով՝ իրենց ծեծել են մահակներով:
Դեկտեմբերի 17-ին Սերբիայում տեղի ունեցան ինչպես տեղական, այնպես էլ խորհրդարանական ընտրություններ:
Ընդդիմությունը մեղադրում է Ալեքսանդր Վուչիչին և նրա իշխող Սերբական առաջադիմական կուսակցությանը քվեաթերթիկների լցոնման, ընտրակաշառքի և այլ միջոցներով ընտրությունների արդյունքները կեղծելու մեջ:
